Kryetari i Bashkisë së Kukësit ka pritur në një takim familjarët e personave që janë arrestuar nga ana e Policisë.
Kryebashkiaku Bashkim Shehu i është drejtuar banorëve me fjalë përkrahëse, duke iu thënë se ai është sot në anën e tyre.
Familjarët u shprehën se kjo që po ndodh është një skandal i madh, dhe se të arrestuarit janë marrë me forcë nga banesat e tyre.
Shehu është shprehur: Unë jam në anën e banorëve, i bëj thirrje prokurorisë që të shqyrtojë me përparësi rastet. Nuk jam dakord me tarifën që është vendosur në këtë rrugë. E kam kontaktuar kryeministrin Rama dhe i kam kërkuar transparencë. Po ja them dhe tani live, të lutem shumë transparencë për qytetarët e Kukësit. I bëj thirrje edhe presidentit të republikës, të cilin e kontaktova dhe dje dhe e informova për këtë që po ndodhte.
Në Kukës gjatë ditës së sotme ndodhen dhe 12 deputetë të opozitës, të cilët kanë bërë thirrje për lirimin e të gjithë personave të arrestuar. Nga Prokuroria dhe Policia janë njoftuar lista me 23 personat për të cilët është konfirmuar arrestimi.
(E.K/FAXWEB.AL)
