Kryetari i PD-së në Gjirokastër Roland Bejko i bën një thirrje publike prefektit të qarkut Flamur Bime, duke i kërkuar në mënyrë urgjente organizimin e mbledhjes së Shtabit të Emergjencave për shkak të situatës alarmante.
”Duke qenë se sot Qarku Gjirokastër është përfshirë nga rreshjet e dëborës, i bëj thirrje Prefektit të Qarkut si kryetar i Shtabit të Emergjencave të organizojë sa më parë mbledhjen e vonuar të këtij shtabi antarë të së cilit janë edhe kryetari i qarkut dhe kryetarët e bashkive të qarkut, si dhe të organizojë punën për t’i ardhur në ndihmë qytetarëve, për sigurimin e energjisë elektrike, qarkullimin rrugor,( duke hedhur kripë) ujin e pijshëm etj. Drejtoria e Bujqësisë t’ju vijë në ndihmë blektorëve për nevojat e tyre. Spitali, qendrat shëndetësore në zona, ambulancat etj duhet të mbahen në gatishmëri për çdo rast si dhe të meren masat për sigurimin e rrendit publik nga policia ashtu siç e detyron ligji në këto raste.”, thotë Bejko.
Sipas tij qyteti i Gjirokastrës vuan për ditësh mungesën e ujit të pijshëm.
”Por as zonja Kryetare Zamira Rami, as Prefekti Flamur Bime nuk e kanë vënë ujin në zjarr për të çuar autobote apo zjarrëfikëset nëpër lagje, pranë qytetarëve. Shpresojmë që pushteti lokal që aq shumë përgjërohet për qytetarët nëpër media, të zgjohet nga gjumi sepse deri tani nuk është asgjëkundi”, përfundon Bejko. (V.G/SHUPLAKA)
