Kryeinspektori i Përgjithshëm i Shqipërisë, Shkëlqim Hajdari, njofton se vendi ynë ka probleme në fushën e ushqimit, të ilaçeve, të ndërtimit, të ujërave, në miniera e në aspekte të tjera.
Në një intervistë me Zërin e Amerikës, Hajdari tha se inspektoriatet e veçanta duhet të bëhen pjesë e rëndësishme për të goditur penalisht korrupsionin në këto fusha.
Kryeinspektoi premtoi se institucioni i tij do të bashkëpunojë me faktorët ndërkombëtarë për të ndërmarrë këto përpjekje.
Sipas Hajdarit, ky bashkëpunim do të përfshijë USAID-in dhe inspektoriate të fuqishme të vendeve të zhvilluara.
