Kryemadhi bën pazaret e fundjavës, fotografohet duke blerë në treg, pa maskë dhe doreza

Kryetarja e LSI Monika Kryemadhi këto ditë karantine është më e tërhequr nga mesazhet politike, ndërsa deklaratat publike nga kjo parti bëhen kryesisht nga nënkryetari Petrit Vasili.

Kryemadhi ka respektuar karantinën dhe është shfaqur shpesh nga shtëpia duke larë enët, hekurosur apo duke bërë punët e shtëpisë, duke thënë se kjo ishte një nga pjesët më të munguara, për shkak të angazhimit të vrullshëm në politikë.

Pas punës në zyrat e LSI, sot Kryemadhi ka bërë pazaret në një dyqan fruta-perimesh aty pranë, veshur sport e me flokët e mbledhura.

Ajo ka blerë produktet e nevojshme ushqimore duke qenë se nga sot pasdite e deri të hënën, gjithë Tirana do të jetë e mbyllur. Ajo që vihet re është se Kryemadhi ndryshe nga sa shihen blerësit në tregje, nuk ka përdorur as maskë dhe as doreza.

Siç shihet dhe në foto, Kryemadhi i është drejtuar fillimisht qepëve dhe urdhrave të njoma, që siç ka treguar në një intervistë televizive, ka filluar që ti përdorë shumë në gatimet e saj.