Kryetarja e LSI-së Monika Kryemadhi ishte e ftuara e mbrëmjes së sotme në emisionin ‘FAKT’ të gazetari Çim Peka tek Syri.net. Në intervistën e saj, Kryemadhi është shprehur se ka qenë kundër marrëveshjes me Edi Ramën në vitin 2013.
Kryemadhi ka bërë edhe një ftesë për kritikët e Lulzim Bashës në PD, veçanërisht Jozefina Topallin dhe Astrit Patozin.
Para pak ditësh ish kryetarja e Kuvendit, znj. Topalli është shprehur se vendi nuk ka qeveri, por fatkeqësisht as opozitë. Madje ka ironizuar edhe pak afrimin tuaj me z. Basha sipas asaj të kapur nga Rama. Në të njëjtën linjë ka qenë dhe Astrit Patozi pak më vonë. A keni një koment për qëndrimet e Topallit dhe Patozit?
“Ai është mendimi i tyre. Unë nuk mund të hyjë se ajo është çështje e brendshme e PD, por unë do t’i ftoja që të ishin në protestë në datën 27 janar për të treguar që ata vërtetë nuk e duan Edi Ramën dhe duan ta rrëzojnë Edi Ramën. Pastaj se kush është Lulzim Basha, ajo është punë e tyre dhe le ta zgjidhin. Unë jam vetë një person që ka luftuar brenda PS me Fatos Nanon dhe me grupimet ish-komuniste që kanë qenë brenda PS, më pas dhe kemi krijuar një parti, kemi qenë 8 burra dhe një grua.
Unë do dëshiroja t’i ftoja të gjithë zërat kundër z. Basha që në datën 27 të jenë në shesh për të treguar vërtetë që nuk janë të kapur nga Edi Rama.” (M.Q/Faxweb)
Discussion about this post