Kryemadhi ironizon Ramën: Sot këpucët i kisha me taka të rënda

Nuk ka qenë normale seanca e sotme në Parlament, teksa ka pasur përplasje pas përjashtimit nga Kuvendi të deputetit demokrat Edmond Spaho.

Opozita bllokoi foltoren, ndërsa Monika Kryemadhi jashtë Kuvendit shprehet se Ramën nuk do të shpëtojë askush.

“Ajo që dua të them është që kjo që ndodhi me ekstradimin e Seitajt është vetëm maja e Ajsbergut. Turpi më i madh që ishte sot ishtë ndalimi i fjalës të deputetit Spaho, i cili dhe prej atyre shihet si një njeri i fjalës.

 Asgjë nuk do ta shpëtojë nga përgjegjësia që si kryeministër e shkatërroi Shqipërinë. Nuk do të shpëtojë as nga mallkimi i 460 mijë shqiptarëve që i detyroi të largohen nga vendi. Protestat nuk do të ndalen dhe ju e keni parë protestën e studentëve, banorëve në Fier, të shoqërisë civile apo opozitës. 

Sot i kisha këpucët me takë të rënda, kështu që mos u shqetësoni, nuk ishte njësoj si çizmet. Rilindja përfaqëson vetëm një grup kriminelësh”, u shpreh Kryemadhi.

(E.K/FAXWEB)