Kryetarja e LSI-së Monika Kryemadhi, ka folur sonte në lidhje me një vendim të qeverisë Rama, atë për mbylljen e lojrave të fatit pak kohë më parë.
Gjatë intervistës Kryemadhi është kujtuar edhe për nje deklaratë të saj ndaj ish-kryeministrit Fatos Nano, të cilin e ka quajtur “garip”, dhe për ato të bëra së fundi për Ramën, tha se ka një ndryshim mes tyre dhe akteve që kanë ndërmarrë.
Sipas Kryemadhit, nëse Nano luante bixhoz, luante me lekët e veta, ndërsa Rama nuk mund të kosiderohet i mirë pse i mbylli lojerat e fatit, pasi këtë e bëri për ta kthyer në monopol online.
Kryemadhi tha ndër të tjera teksa po fliste për Ramën tha se “zotëria në fjalë që thoni ju nuk i mbylli, i monopolizoi në një dorë.”.
“Jo nuk është progres. Ky është monopol. Monopolizoi në dorë ligësinë. Pra në qoftë se Fatos Nano ishte i lig për veten dhe familjen e tij, që luante bixhoz, për xhepin e tij, pra ishte i keqi i vetes. Kush luan bixhoz, për mua, ose kush pi alkol e të tjera është i keqi i vetes së vet. Për mua është i keq ai që i nxit të tjerët që të shkojnë drejt asaj rruge. Dhe zotëria në fjalë që thoni ju nuk i mbylli, i monopolizoi në një dorë. Sepse sot mos prisni që njerëzit të shkojnë të futen në dyqan dhe ta shikojnë që ky hyri, sikur të shohin një burrë që shkon në një shtëpi të dritave të kuqe. Ky çfarë bëri? Sot po luan fort që të luhet drejt online-t, pavarësisht se situata ekonomike e të tjera gjëra e bëjnë të pamundur”.
