Kryetarja e LSI-së Monika Kryemadhi nga foltorja e Kuvendit ka thënë se projekt-buxheti i vitit 2018 të propozuar nga qeveria është në shërbim të klientëve të kryeministrit dhe jot ë qytetarëve. Kryemadhi tha se ky buxhet ngre taksat për 99% të qytetarëve dhe i ul vetëm për 1% të tyre ku përfitojnë klientët e kryeministrit.
Kryemadhi u shpreh se LSI propozon që për 80 mijë familje të varfëra të rritet fondi nga 0.4 në 2% të GDP-së për t’i nxjerrë këto familje nga skamja.
“Këtë buxhet ne nuk mund ta votojmë, ky është një buxhet që rrit taksat për 99% të popullsisë dhe I ul vetëm për 1% ku përfitojnë klientët e kryeministrit.
Si mund të votojmë ne këtë buxhet ku I bie që një shqiptarë I varfër të hajë vetëm një byrek në ditë.
Propozimi ynë është që fondi I GDP-së për 80 mijë familje të varfëra nga 0.4 të shkojë në 2% për ti nxjerrë nga skamja.
Kjo mazhorancë me projektin 1 miliardë euro kërkon të fundosë ekonominë shqiptare, por rrezik kombatarë është trojka, krimi i organizuar, karteli dhe qeveria.
Ne si opozitë nuk duhet të lejojmë instalimin e këtij projekti. Pyetja kryesore që kam është se a besojnë qytetarët se ky buxhet do të jetë hallet e tyre? Aspak jo, se kjo qeveri ka 74 mandate të blera me paratë e drogës”, tha Kryemadhi. (B.H/Faxweb)
Discussion about this post