Zv/kryetarja e LSI-së, Monika Kryemadhi deklaroi sot në “Të Paekspozuarit” se Ilir Meta i cili u zgjodh dhe President i ri i Republikës, mund të ketë ambicie për një tjetër mandat për kreun e shtetit.
Kryemadhi foli për të ardhmen e LSI-së, ndërsa theksoi se pas ikjes së Metës nga kjo forcë, partia do të shpërthejë.
“Me ikjen e Metës, tani do shpërthejë LSI. Ai na mbante në këmishë hekuri. Na thoshte: ‘Mos shani, mos kritikoni’. Po tani më mirë të ‘puthemi’ me Milon, se me ndonjë parti tjetër që s’njihet. Ilir Meta 5 vite do jetë president. Meta mund të ketë ambicie për të marrë mandatin e dytë si president”,-u shpreh Kryemadhi.
“Ka ardhur koha që Meta tu hapë rrugën të rinjve, mund të rrijë edhe 10 vjet president. Vajtja e Metës president do të ruajë disa ekuilibra politikë por edhe në rajon.
Por problemi është se sa produktive do të jetë marrëveshja politike mes dy partive, apo do hyjnë në lojë paratë e krimit ekonomik”,-tha ndër të tjera Kryemadhi.
(M.D/Shuplaka)
Discussion about this post