Kryemadhi në konferencë për mediat: Rama është personazhi kryesor, po instalon regjimin e drogës

Kryetarja e Lëvizjes Socialiste për Integrim, Monika Kryemadhi në një konferencë për mediat nga selia qendrore e kësaj partie, ka komentuar situatën politike pas shpërthimit të skandalit Xhafaj-Veliu.

Kryemadhi ka thënë se LSI është pozicionuar qartë në opozitë me drogën, teksa u ka bërë thirrje shqiptarëve t’i bashkohen protestës së opozitës në 26 maj.

“Personazhi e aktori kryesor është Kryeministri. Kryeministri kanabizoi Shqipërinë.

Beteja jonë do finalizohet me protestë ditën e shtunë.

Ky kryeministër dhunon të rinj e të reja sepse kundërshtojnë arrogancën e tij.

Po përpiqet të instalojë regjimin e drogës. Iu bëj thirrje shqiptarëve t’i bashkohen protestës së opozitës.

Iu bëj thirrje të rinjve t’i bashkohen protestës.

Lakejtë e Edi Ramës po shpërndajnë përgjegjësitë. Lekët e drogës vendosën mbi votën.

Ne si opozitë duam të shërbejmë. E shtuna është dita që i tregojmë Ramës se asgjë nuk e ndal popullin shqiptar”,-tha Kryemadhi.

(F.G/Faxweb.al)