Deputetja e LSI-së Monika Kryemadhi deklaron se nuk do të bëhen zgjedhjet pa opozitën. E ftur në “Vila 24”, deputetja përmend Reformën Zgjedhore si argument.
“Shpresoj që zgjedhjet të mos shtyhen. Normale që nuk mund të bëhen zgjedhje pa opozitën pasi nuk jemi në diktaturë. Jo pa qëllim nuk u bë Reforma Zgjedhore pasi dy partitë e mëdha që për mua nuk janë të mëdhaja, kanë monopolin e organizimit të zgjedhjeve.
Sigurisht që LSI-ja mund të dalë forca e parë në zgjedhje. Mund të jesh kryeministër dhe të jesh njeriu më i urryer pasi mund të jesh klientelist. Nuk e kam fjalën për një kryeministër konkret po për çdo kryeministër.
Në çdo vend të botës GDP-ja ulet gjatë fushatave zgjedhore, i vetmi vend në botë që rritet GDP-ja në fushata zgjedhore është Shqipëria.”, deklaroi Kryemadhi. (D.D/Shuplaka)
Discussion about this post