Zv/kryetarja e LSI Monika Kryemadhi ka folur sot në “5 pyetje nga Babaramo” për krizën politike duke shtuar se kjo ka një kosto në jetën e qytetarëve.
Pjesë nga fjala e Kryemadhit:
Nuk jemi këtu për të luajtur shah, të tjerët nuk kanë bukë të hanë, jetojnë me 3500 lekë të reja në muaj. Është absurditet madje tallje e madhe, ëhstë papërgjegjshmëri e klasës politike.
Çdo konflikt i hapur është një humbje shprese për shqiptarët, kjo ka sjellë një lloj dëshpërimi që e ndjejmë.
Bllokimi i zgjedhjeve: Po ja i bllokove , nuk i ndalon dot njerëzit të votojnë, ka forcë Shqipëria të shkojë drejt 1997? Kodi zgjedhor ka sjellë këtë rezultat që kemi sot. Ajo çka është më e rëndësishme që duhet të lëvizë është pozicionimi i forcave politike në funksion të qytetarëve.
Çadra nuk është thirrja e LSI, është pozicion nga Partia Demokratike. Është një nga opozitat më të dobëta në tranzicionin shqiptar.
Politika ka kthim mbrapa, ka hapa mbrapa, ndoshta kjo vjen edhe nga frika që klasa politike ka frikë nga humbja. Liderët tanë nuk duhet të kenë frikë nga ndryshimi. PD duket se ka frikë nga ndryshimet.
Negociatat mbarojnë deri në minutat e fundit, sa herë që gjërat janë bërë të fshehta kemi prodhur politika shterpë, krizë, dhe mosstabilitet.
Meta në propozimin e tij për qeverinë e tij të besimit ka pasur konsultimet e tij me faktorë të rëndësishëm politike në Europë dhe SHBA, unë mendoj që ai në të gjithë karrierën ka pasur stabilitetin.
Çdo deklaratë e Ramës kundër Bashës dhe e kundërta ikin 10 vende pune, po të shkosh 1800 biznese janë mbyllur vetëm në Tiranë. Kjo sjell dëmtim të klimës së biznesit.
(M.D/Shuplaka)
Discussion about this post