Kryemadhi: Pse nuk ka më qetësi dhe dashuri me Ramën

Kryetarja e LSI-së, Monika Kryemadhi, ka premtuar një politikë të re, e cila përballet me realitetin dhe i jep zgjidhje vështirësive  të shqiptarëve.

 “Ska më me qetësi dhe dashuri. Ilir Meta, si shtetar që është, duke vënë në plan të parë stabilitetin e vendit, mendonte me “qetësi dhe dashuri”. Tani nuk ka më. 460 mijë shqiptarë janë larguar nga Shqipëria dhe kjo është alramante, tha Kryemadhi në “Ora News”.

 Ajo shtoi më tej se politika shqiptare është në krizë identiteti. “Rama në vend të ishte i majtë, duke qenë se është në PS, ka një program totalisht të djathtë dhe po ta shohësh Rama jep koncesione, që janë totalisht të djathta. Apo PD, që mbështetet nga të varfrit. Kjo do të thotë se jemi në krizë. LSI e ka të qartë pozicionin e saj, pasi ne përfaqësojmë zërin e qytetarëve”, tha ajo. (J.V/Faxweb)