Deputetja Monika Kryemadhi, ka akuzuar drejtorin e Policisë së Shtetit se po kërcënon LSI-në, mirëpo LSI nuk frikësohet.
“Sepse kemi besimin e më të rinjve, të atyre që do ta çojnë përpara këtë vend dhe që nuk i frikeson dot askush, as falangat e pushtetit policor, që drejtohen nga Haki Çako, por dhe as nga shefat e tij, të PS ose PD qofshin.”
Kjo deklaratë vjen pak orë pasi Policia e Shtetit procedimin penal për administratorin e Njësisë Bashkiake nr2, Elez Gjozajn.
Procedimi i tij është bërë pasi ai dyshohet se nga viti 2013 e në vijim, ka regjistruar fiktivisht rreth 60-70 shtetas shqiptar, të cilët janë regjistruar me të njëjtin kod banimi në banesën në pronësi të tij.
Dyshohet se transferimi i gjendjeve civile të këtyre shtetasve dhe regjistrimi i tyre pranë Njësisë Bashkiake nr. 2 është kryer me qëllimin ndikimin në zgjedhjet e 25 qershorit.
Zv.kryeministrja Mandija kërkoi pak orë më parë që Prokuroria të nisë menjëherë një hetim të shpejtë pas kallëzimit penal të Policisë së Shtetit dhe të marrë masat për të ndjekur procedurat e nevojshme sipas ligjit për të arritur në një konkluzion përfundimtar.
REAGIMI I KRYEMADHIT
“Jam e bindur se do të jetë dita e mitingut më madhështor, me mijëra të rinj që besojnë te ne dhe tek alternativa jonë.
Jam e sigurt se shumë prej tyre do të jenë votues për herë të parë dhe kjo na bën të ndihemi më krenarë se kurrë.
Sepse kemi besimin e më të rinjve, të atyre që do ta çojnë përpara këtë vend dhe që nuk i frikeson dot askush, as falangat e pushtetit policor, që drejtohen nga Haki Çako, por dhe as nga shefat e tij, të PS ose PD qofshin.
Ndaj edhe njeherë ju ftoj të gjithëve të n’a bashkoheni në këtë festë të madhe, në ditën që do të shënojë ndryshimin e Shqipërisë dhe fitoren e alternativës tonë.”, reagon Kryemadhi përmes instagramit të saj. (D.D/Shuplaka)
Discussion about this post