Kryetarja e LSI-se Monika Kryemadhi ka zhvilluar një takim me kryesinë e LSI Durrës, së bashku me deputetët e LSI-së së Qarkut Durrës, Lefter Koka dhe Nora Malaj.
Në fjalën e saj kryetarja e LSI-së ka thënë se opozita është e bërë bashkë kundër këtij kryeministri. Sipas saj rruga e vetme për largimin e Ramës është protesta mbarëpopullore.
“Bashkëpunim në të gjitha nivelet me partitë opozitare. Opozita e bërë bashkë kundra këtij kryeministri. Politika e Rilindjes mbolli varfëri dhe krim në vend, rruga e vetme e largimit të Ramës, protesta mbarëpopullore”, ka thënë Kryemadhi.
Kryemadhi ka thënë se forcimi i strukturave të LSI-së është garancia për një Shqipëri më të mirë,larg krimit të organizuar dhe varfërisë.
“Forcimi i Lëvizjes Socialiste për Integrim garancia për një Shqipëri më të mirë,larg krimit të organizuar dhe varfërisë. LSI, rol të veçantë rinisë dhe gruas, forcimi i strukturave të rinisë dhe gruas imediate për shpëtimin e vendit nga krimi i organizuar”, është shprehur ajo ndër të tjera. (B.H/Faxweb)
Discussion about this post