Kryetarja e LSI-së Monika Kryemadhi ka pritur ditën e sotme në seli, Presidentin George Tsereteli, të OSBE-së si dhe Sekretarin e Përgjithshëm të Asamblesë Parlamentare të OSBE-së, Roberto Montella.
Gjatë këtij takimi Kryetarja e LSI-së e vuri theksin tek Reforma Zgjedhore, moskryerja e së cilës solli blerjen e votës në zgjedhjet parlamentare të 2017-s nga qeveria aktuale duke e katandisur vendin në një gjendje të jashtëzakonshme krize.
“Moskryerja e Reformës Zgjedhore para zgjedhjeve të 25 Qershorit 2017 u shfrytëzua nga qeveria për prishjen e zgjedhjeve, blerjen masive të votës dhe krijimin e kësaj qeverie, e cila po i bën shqiptarë të ikin nga Shqipëria për shkak të varfërisë, korrupsionit dhe kapjes së shtetit nga krimi dhe trafiqet”, nënvizoi Kryemadhi.
Por gjithashtu ajo kërkoi që Reforma Zgjedhore mund të marrë jetë edhe me mbështetjen e madhe të OSBE-së, duke kërkuar mbështetjen e tyre. (E.V/Faxweb.al)
Discussion about this post