Kryetarja e Lëvizjes Socialiste për Integrim, Monika Kryemadhi e ftuara në emisionin “360 Gradë”,ka dhënë arsyet se pse vendi sipas saj po rrëshqet në diktaturë.
Sipas Kryemadhit arsyet janë mediat, emisionet, portalet që blihen dhe fjala e lirë në Parlament sot.
Zheji: Më thuaj tre arsye pse vendi po rrëshqet në diktaturë?
Kryemadhi: Duke filluar nga mediat. Ka emisione që hiden dhe ndërpriten. Ka portale që blihen.
Zheji: Rrezikon edhe ky emision?
Kryemadhi: Mos u çudit. E dyta, fjala e lirë në Parlament sot. Nuk i kushtonte asgjë kryetarit të Kuvendit që të mblidhte Konferencën e Kryetarëve dhe ta ridiskutonim. Pavarësisht se Rregullorja e thotë se bëhet pa debat. Çfarë fitoi Gramoz Ruçi pse e përzuri Bashën?
Ne jemi shumë të qartë në lëvizjet tona. Kushdo që të shkojë le të shkojë. Çështja e opozitës është çështje morali. Edhe militatizmi i hapur ose i egër njerëzve pranë kryeministrit për të eliminuar çdo lajm të keq, apo çdo mungesë informacioni, është një sinjal. Mos harroni para një jave iu hoq sinjali i TVSH-së. Më e tmerrshmja. Flet kryeministri në emër të drejtorit të TVSH-së. A është i pavarur?
(S.SH/Shuplaka)
