Kryetarja e LSI-së Monika Kryemadhi ka qenë e pranishme sot në qytetin e Elbasanit për të uruar festën e Kurban Bajramit.
Kryemadhi e shoqëruar dhe nga deputeti tjetër i këtij qyteti Edmond Haxhinasto kanë uruar sa më shumë mbarësi, begati , lumturi, paqe, fat në familjet e shqiptarëve.
“Ju urojmë të gjithë shqiptarëve në këtë festë të Kurban Bajramit mbarësi, begati , lumturi, paqe, fat në familjet e tyre.
Zoti u plotësoftë dëshirat dhe i shoqëroftë në rrugën e jetës së tyre, në një rrugë e cila çdo ditë e më shumë do të jetë edhe e vështirë, por edhe e bukur.
Ti dhurojmë sa më shumë dashuri e buzëqeshje njëri-tjetrit, sepse kështu edhe Zoti do ta dojë edhe më shumë Shqipërinë, por edhe ne do ta duam edhe më shumë njëri-tjetrin.
Gëzuar edhe ju gazetarëve, që në këtë ditë feste keni dalë në punë dhe i shërbeni qoftë politikës, qoftë qytetarëve me informacione”, ka thënë Kryemadhi në fjalën e saj.
Urimeve ditën e sotme u janë bashkuar krerët më të lartë në vend, si Presidenti Meta, kreu i PD-së Basha si dhe kryeministri Rama.
(E.K/SHUPLAKA)
