Kryeministri Edi Rama ka mbërritur ditën e sotme në qytetin e Laçit ku po organizon takimin e rradhës me qytetarët për të prezantuar arritjet si dhe për të biseduar me të pranishmit problematikat që hasin, ndërkohë që një qytetar ka replikuar bindshëm fjalët e Ramës.
Kryeministri Edi Rama ka qenë ditën e sotme në qytetin e Laçit, në kuadër të Forumit për Llogaridhënien Publike. Ai zhvilloi bisedën e zakonshme me pyetje përgjigje e batuta me qytetarët. Nuk kanë munguar as replikat për problemet e ndryshme që qytetarët kanë pasur.
Megjithatë ajo që vihet re në takimet e tilla të kryeministrit Rama me qytetarët, diçka që ka nisur prej vitit 2013, është prirja e tij e jashtëzakonshme për të vënë në lojë të pranishmit përmes batutave dhe moderimit të takimit si një “shoëman” i regjur emisionesh.
Po cilat ishin disa nga batutuat dhe situatat të cilat kryeministri vendosi qytetarët e pranishëm në sallë në takimin e sotëm në Laç?
“E keni shkelë shumë ju në këtë zonë, prandaj duhen nja pesë vjet revansh.” – iu drejtua ai të pranishmëve burra me qëllim për t’ua lënë fjalën grave të parave në ankesat e tyre.
“Ulu se qenke aktor. Po si ia bën që flet kaq shumë mor burrë. Pa punë po, pa ndihmë ekonomike po. Jeni bërë mjeshtra të ankesave.” – iu drejtua kryeministri njërit prej të pranishmëve, i cili iu ankua që në fillim të takimit për papunësi.
“E ke parë si hyn në Tiranë? Hyn si mçeftas mes kumbullave. Në Vlorë hyje si mes ullinjve. Njësoj si PD, se ku fillon, se ku mbaron, se ça ka anash, s’ka rëndësi. Rëndësi ka vetëm ajo korsi krim krim krim, drogë drogë dorgë.” – këtë batutë e përdori për tu shpjeguar qytetarëve në takim si ishin lënë akset e hyrjes nëpër qytete për shkak të qeverisjes të PD, sipas tij.
“Zotni po e tepron, më fal që po ta them por po e tepron. Ohuu hiqe prej pune atë thotë. Meqë nuk e përdor internetin thuaji mbesës kur të shkosh në shtëpi.” – ky ishte një moment tensioni kur një qytetar i revoltuar me një prej ministrave për moskthim përgjigje, i ka kërkuar përgjigje kryeministrit dhe i ka kërkuar ta shkarkojë ministrin.
“Je dhe aktor i mirë, nuk ta dalim dot” – kjo në fakt ka qenë batutë e një prej qytetarëve kur ndërsa po insistonte në rritjen e çmimeve të ujit, kryeministri i përgjigjej se nuk kishte rritje taksash.
“Përshëndetje shoku Llesh.” – iu përgjigj një të pranishmi, i cili iu drejtua me fjalët ‘përshëndetje shoku Edi!’
“Nuk të lemë pa drejtor, do ta gjejmë drejtorin meqenëse e dashke drejtorin.
Do vish ta mbyllësh ti mbledhjen meqë je dhe pa punë.” – ishin dy batuta të tjera në përfundim të takimit të kryeministrit Edi Rama me kurbinasit.
(E.L./Faxweb)
Discussion about this post