Analisti Enton Abilekaj ka komentuar takimin më të fundit të kryeministrit Rama në Shkodër për shpërndarjen e legalizimeve. Abilekaj shkruan se Rama po bën fushatë akoma pa nisur zyrtarisht fushata e zgjedhjeve të 18 qershorit.
“Kryeministri duke bërë fushatë elektorale gjatë shpërndarjes së dokumentave të legalizimit në Shkodër. Pasi shan PD dhe kryetaren e Bashkisë së qytetit dhe pastaj bën sikur nuk ka shkuar për fushatë elektorale aty, shfrytëzon autoritetin e Kryeministrit që t’ i detyrojë përfituesit e shkretë të falenderojmë partinë.” shkruan Abilekaj.
Sipas Abilekajt, Rama përveçse bën fushatë dhe sulmon kryetaren e bashkisë Ademi, nuk ngurron as të intimidojë qytetarët .
“Ja ku vjen një burrë pak i thinjur që nuk pranon të flasë me mikrofon. I thotë nën zë: Je burrë i mirë. Kryeministri insiston t’ ja marrë fjalet në mikrofon. – Ta thashë, i thotë burri në siklet – Po thuaje në mikrofon – i thotë Kryeministri duke ia zgjatur. – Je burrë i mire – përsëriti prapë nën zë, po këtë herë me mikrofonin hapur. – Kaq do thuash – insiston Kryeministri pa ia bërë syri terr për publikun që e sheh live duke i bërë presion një njeriu të pambrojtur. -Kur flet Sala në Parlament, pse djersitesh – pyet burri që nuk mundi të duronte më. – Unë djersitem? – pyet Rama i tronditur nga guximi i tjetrit. – Ti, djersitesh, krruan kokën – me kaq iku burri i thinjur që gjeti guximin të flasë jashtë protokollit. Kryeministri qeshte pa ditur si të reagonte. Pastaj i thote: Se jam burre i mire.”, shkruan po ashtu Abilekaj.
“Të gjithë e panë Kryeministrin duke shkelur ligjin me përdorimin e makinave dhe karburantit të Shtetit, duke përdorur dokumentat shtetërore, duke përdorur ministrin e Jashtëm, Drejtorin e Aluiznit dhe autoritetin që atij dhe të emëruarve të tij u jep zyra shtetërore për të intimiduar qytetarët dhe për të bërë fushatë. Dikush doli hapur, të tjerët heshtën. Dhe pastaj kërkojnë Qeveri Teknike…”, shton Abilekaj.
(M.D/ Shuplaka)
Discussion about this post