Kryeministri i Francës, Manuel Valls, ka bërë të ditur së fundmi se do të shpallë kandidaturën e tij për president. Kjo deklaratë e tij vjen një ditë pas deklaratës të presidentit aktual, Francois Hollande, i cili bëri me dije se nuk do të rikandidojë.
Kreut të qeverisë franceze do i duhet të përballet me pretenduesit e tjerë të Partisë Socialiste në vend, konkretisht me Francois Fillon dhe Marine Le Pen në raundin e parë të zgjedhjeve presidenciale që do të zhvillohen në muajin Prill.
Pavarësisht popullaritetit që ka fituar nga grupmosha të ndryshme, nga individë dhe biznese që përkrahin politikat e tij, analistët shprehen se Valls-in mund ta dëmtojë bashkëpunimi i ngushtë me presidentin Hollande. Ai shihet edhe si një figurë përçarëse tek e majta për shkak të reformave të ndërmarra.
I emëruar kryeministër në Mars 2014, Valls u shpreh se do të japë gjithçka nëse zgjidhet në krye të Francës: “Dëshiroj të jap gjithçka për Francën. Kandidatura ime është ajo e pajtimit.”
