Në seancën e jashtëzakonshme që po zhvillohet sot në Kuvendin e Kosovës, është i pranishëm edhe kryeministri Isa Mustafa së bashku me një pjesë të kabinetit qeverisës.
Në fjalën e tij në foltoren e Kuvendit, kreu i Qeverisë së Kosovës, e cilësoi të paligjshëm arrestimin dhe mbajtjen në paraburgim të kreut të AAK-së.
Ai kërkoi që raste të tilla të mos aplikohen për shtetas të tjerë dhe u shpreh se nuk ka arsye përse Ramush Haradinaj të mbahet në Francë.
Sipas kreut të qeverisë kosovare, fletë-arrestet serbe janë të motivuara politikisht.
“Të tilla raste mos aplikohen për shtetas të tjerë, Nuk shohim arsye që Haradinaj të mbahet në Francë. Ne jemi të unifikuar për çështjen e Ramush Haradinaj, po punojmë që Ramush Haradinaj të kthehet në Kosovë. Fletë-arrestet të motivuara politiksht, të paligjshme.”, u shpreh ai ndër të tjera. (XH.A/SHUPLAKA)
Discussion about this post