Kryeministri i Malit të Zi, Dushko Markovic, i ka bërë thirrje Rusisë që të qëndrojë larg Malit të Zi me politikat e saj. Në thirrjen drejtuar Rusisë dhe aleatëve, zyrtari malazez kërkon që të ndalet destabilizimi i vendit që synon parandalimin e anëtarësimit të Malit të Zi në NATO.
“Ata që paralajmërojnë trazira në Mal të Zi apo jashtë tij duhet t’i mbajnë duart larg Malit të Zi.”, është shprehur Markovic pas komenteve të partive pro ruse që kanë dënuar thirrjen e prokurorit special të Malit të Zi, drejtuar Parlamentit, për t’iu hequr imunitetin dy udhëheqësve të lartë të opozitës.
Prokuroria ka kërkuar heqjen e imunitetit të dy liderëve të opozitës, Andrija Mandic dhe Millan Knezhevic, të cilët dyshohen se janë të përfshirë në grushtin e dështuar të shtetit gjatë vitit të kaluar. Dy liderët e opozitës malazeze kanë paralajmëruar nisjen e një lufte civile në Mal të Zi. (XH.A/SHUPLAKA)
Discussion about this post