Pas ardhjes në krye të Shteteve të Bashkuara të Donald Trump, qeveria e Hungarisë planifikon të fillojë një operacion ndëshkimor ndaj OJQ-ve të lidhura me miliarderin Geroge Soros.
Lajmi është bërë i ditur nga nënkryetarit të partisë së kryeministrit hungarez Viktor Orban.
“Shteti anëtar i Bashkimit Evropian do të përdorë “të gjitha mënyrat që ka në dispozicion” për të “spastruar” OJQ-të që financohen nga financieri me origjinë hungareze, që “u shërbejnë kapitalistëve botërorë dhe mbështesin atë që është politikisht e drejtë duke nënvlerësuar qeveritë kombëtare”, bëri të ditur për gazetarët ditën e djeshme Szilard Nemeth.
Kryeministri hungarez Orban është lideri i parë evropian, i cili e mbështet publikisht fushatën e Trump, si dhe ka shpërfillur kritikat nga Komisioni Evropian dhe nga administrata e ish-presidentit amerikan Barack Obama për ndërtimin e një “shteti joliberal”.
Në viti 2014, Orban dha urdhër që të agjencitë shtetërore të auditivit të hetonin fondacione të financuara nga Norvegjia dhe tha se grupet e shoqërisë civile të financuara nga jashtë shtetit ishin mbulesa për “aktivistë politikë të paguar”.
Kryeministri hungarez dhe administrata e tij ka veçuar shpesh OJQ-të e mbështetura nga Soros, një mbështetës i Partisë Demokratike të SHBA-ve me një rrjet të gjerë organizatave, që promovojnë demokracinë në vendet ish-komuniste të Evropës Lindore, përfshirë këtu edhe Shqipërinë.
Donald Trump gjithashtu ka akuzuar miliarderin 86-vjeçar se është pjesë e “një strukture globale të pushtetit, e cila sipas tij është “rrezik kombëtar”. (A.R/SHUPLAKA)
Discussion about this post