Kryeministri Edi Rama ka reaguar menjëherë pas letrës së kryedemokratit Lulzim Basha që i kërkonte të korfimonte qëndrimin e tij mbi paketën për zgjidhjen e krizës.
Ai ka zgjedhur “Twitter”-in për t’i kërkuar Bashës të “mos fshihet pas McAllister por të fokusohet tek oferta në tryezë. Gjithashtu, ai i kërkon që të mos flasë në emër të Shteteve të Bashkuara të Amerikës.
“lulzimbasha_al mos fol në emër të SHBA se flasin vetë! Lëri letrat publike, mos u fshih pas McAllister, fokusohu tek oferta që ke në tryezë.”, ka shkruar Rama në “Twitter”.
Ky reagim i tij vjen pas letrës së Bashës pas takimit me ambasadorin Lu, ku ndër të tjera shkruante:
“Duke konfirmuar pranimin e plotë të propozimit të integruar, ju bëjmë thirrje që edhe ju të konfirmoni publikisht pranimin pa kushte të propozimit të SHBA, për t’i hapur rrugë zbatimit të kësaj pakete me qëllim garantimin e kushteve për një proces zgjedhor të lirë dhe të ndershëm për qytetarët shqiptarë.”
(XH.A/SHUPLAKA)
lulzimbasha_al mos fol në emër të SHBA se flasin vetë! Lëri letrat publike, mos u fshih pas McAllister, fokusohu tek oferta që ke në tryezë.
— Edi Rama (@ediramaal) May 17, 2017
