Kryeministrit nuk i bëjnë përshtypje fjalët dhe lapsuset e Tërmet Peçit, ja si e vlerëson këtë paradite

Kryeministri Edi Rama ka pasur mëngjesin e sotëm një takim me të rinjtë që votojnë sot në Gjirokastër.

Duke renditur qytetet e jugut dhe kryebashkiakët ai e ka nisur vlerësimin e tij me Tërmet Peçin. Sipas tij Tërmeti ishte e vetmja zgjidhje për Tepelenën.

Pavarësisht se Peçi ka qenë një nga kryebashkiakët e përmendur përsa i përket ligjit të dekriminalizimit, Rama vazhdimisht e ka shprehur mbështetjen për të.

‘’U desh Tërmeti që Tepelena të bëhej qytet. U desh slogani e vetmja rrugë për Tepelenën dhe Tërmeti që Tepelena që ishte harruar prej 25-vitesh të ndryshonte. Nuk kishte asnjë rrugë tjetër për këtë qytet’’, u shpreh Rama.

Më tej ai vijoi me vlerësimet e tij edhe për kryetaren e Bashkisë së Gjirokastër dhe Bashkive të tjera të këtij qarku. Sipas Ramës Partia Socialiste është e vetmja rrugë ëe vendi të ecë përpara. (E.K/SHUPLAKA)