Theresa May ka njoftuar se do të japë dorëheqjen si Kryeministre e Mbretërisë së Bashkuar, pas tre viteve në drejtim dhe pas dështimit të saj për të ofruar ‘Brexit’.
May tha të premten se do të linte detyrën si udhëheqëse e Partisë Konservatore të premten më 7 qershor.
“Unë kam bërë më të mirën e mundshme”, tha May në deklaratën para medias. Që në hapin e parë që hodha si kryeministre, una kam luftuar për ta bërë Britaninë e Madhe një vend që punon jo thjesht për të privilegjuarit por për çdo njeri dhe për të nderuar rezultatin e referendumit,” tha May e cila mezi ka mbajtur lotët.
Njoftimi i saj shkakton fillimin e një gare për ta zëvendësuar atë si udhëheqëse e konservatorëve dhe kryeministre.
Ajo ka qenë nën presion për të dhënë dorëheqjen, pas reagimeve nga deputetët e saj kundër planit të saj të fundit për Brexit.
Që nga janari, Parlamenti anglez ka hedhur poshtë marrëveshjen e tërheqjes që Znj. May e cila negocioi me BE-në tri herë. Përpjekjet e fundit për të gjetur një kompromis formal me laburistët gjithashtu dështuan.
Discussion about this post