I ftuar në ‘Fax News’ deputeti i PD-së Enkelejd Alibeaj ka deklaruar se PD nuk pranon ftësën e Ramës për dialog qoftë e bërë dhe nga ambasadori amerikan Donald Lu në lidhje me zgjedhjen e Prokurorit.
Ai tha se me këtë që po bën mazhoranca po shkërmoqet kushtetua pasi sipas saj prokurori duhet të jetë jo politik dhe i pakorruptuar, ndërkohë që thirrja e Ramës është për të zgjedhur një prokuror politik dhe kjo është shkelje flagrante e kushtetutës.
“Në fakt një do duhet të kuptojnë shqiptarët, dialogu është e mirë si qasje por nuk duhet lejuar asnjëherë që konsensusi politik ti mbivendoset rregullave. Çështja e prokurorIt është rregulluar më parë me anë të një marrëveshjeje . Është pakt mes shqiptarësh, të majtë të djathtë. Kushtetuta është marrëveshja e madhe. Prandaj një lloj thirrje e tillë e mzhorancës është cinike dhe qesharake. Prokurori I përgjithshëm është sImbol i sistemit të drejtësisë. Është ai që Inicion procesin e ndëshkueshmërisë.
Ne kemi vuajtur për drejtësi dhe kjo është arsyeja e madhe që u votua reforma në drejtësi. Dy element të rëndësishëm parashikonte kushtetuta për prokurorin : I pakorruptuar dhe jo i kapur nga politika. Do të arrihej përmes reformës në drejtësi. Pra jo politik dhe jo i korruptuar, ndërsa thirrja e Ramës është hajde të zgjedhim një prokuror politik, ose edhe më keq një prokuror të PS-së. Rama e përdori 3 vjet vetingun, ndërsa sot ka provën përpara për të treguar se sa e ka dashur. Sot Rama është ai që vetingun nuk e do për Perokurorin e Përgjithshëm por e do politik. Ka një arsye, është rasti i Tahirirt se është shumë e rëndë që të kesh ministrin më të suksesshëm si të akuzuar për trafik droge. Ka dhe hallin e tre policëve që sot janë zhdukur”, tha ai.
Në lidhje me deklaratën e Donald Lu për dialog?
” Nuk bëhet kështu se nuk duhet të ngelet në vullnetin e Ramës apo Bashës çështja e zgjedhjes së prokurorit sepse nuk e thotë kështu kushtetuta. Kushtetuta thotë se Prokurori apo gjithë prokurorët duhet të emërohen dhe zgjidhen jo nga politika’, pra politika, pushteti kryesisht nuk duhet të përfshihet në sistemin e drejtësisë. Rama thotë hajde ta zgjedhim bashkë, që do të thotë të mbyllen dosjet korruptive të mazhorancës. Prandaj opozita refuzon ftesën e Ramës qoftë dhe të ambasadorit.
Ne nuk e njohim si process dhe nuk njohim asnjë produkt të këtij procesi sepse ky process është i PS-së dhe vetëm tesera e PS-së mund ti mungojë në xhep. Kjo nuk është gjë tjetër që Prokuroria është dhënë me konçension sepse Prokurorin do ta emërojë Saimir Tahiri me shokë”, tha Alibeaj. (B.H/Faxweb)
https://www.youtube.com/watch?v=IIkE_EIpU8I&feature=youtu.be
