I ftuar në ‘Fax News’, juristi Çlirim Gjata është shprehur se me procedurën se si po zgjidhet Kryeprokurori i përkohshëm po shkelet kushtetuta dhe reforma në drejtësi ka shkuar në pikën zero.
Ai ka thënë se mbarimin e mandatit të Adriatik Llallës duhej ta përcaktonte KLP-ja dhe jo Parlamenti i cili sipas Gjatës ka iniciuar një procedurë antikushtetuese.
Ai ka thënë se reforma në drejtësi u bë në mënyrë që organet e drejtësisë të bëheshin të pavarura nga politika, ndërkohë që me këtë procedurë të ndjekur politika merr pjesë në formimin e këtyre organeve.
“Kandidatët për Kryeprokuror kanë hyrë në një proces të paligjshëm. Vetë Parlamenti filloi një proces të paligjashëm. Injoranca nuk është argument. Edhe qytetari më i thjeshtë konsiderohet se i njeh ligjet. Por ata janë në një proces të paligjshëm. Janë po aq të paligjshëm sa edhe veprimi i Parlamentit.
E gjitha është një manovër politike për ta vendosur me 71 vota prokurorin, pati një tentativë për të bërë dhe opozitën pjesë por nuk pranoi. Çështja është se ku e kanë gjetur në ligj këta këtë procedurë për prokuror të përkohshëm. Ku e ka gjetur Komisioni i Ligjeve. Nuk ka askund në ligj që parashikohet kjo procedurë.
Mbarimi i mandatit deklarohej nga KLP-ja, se ku e gjeti Parlamenti këtë procedurë ata e dinë. E gjitha kjo reformë që iu bë për të lënë jashtë politikën me këtë veprim ka rënë. Edhe me ministrin e Brendshëm. Edhe ditën e hënë kur të bëhet votimi ne jemi 20 korrik 2016, ka qenë 1 ditë para se të miratohej reforma. E gjithë kjo periudhe 1 vit e gjysë punë ka rënë. Thanë që reforma do të fusë politikanët e korruptuar në burg por arma doli barut i lagur.
Organet e drejtësisë që të jenë të pavarur duhet të mos zgjidhen kështu, institucioni i reformës po krijohet me 71 vota.
Unë diskutoj procedurat e largimt të tij dhe emërimit të tjetrit dhe kljo procedurë është e paligjshme. E përcakton KLP-ja se kur i mbaron mandati. Llalla është i detyruar të rrijë në detyrë deri sa të krijohet KLP-ja.Unë kapem tek procesi, opozita shumë mirë ka bërë që nuk ka hyrë në këtë proces të paligjshëm” , tha Gjata. (B.H/Faxweb)
https://www.youtube.com/watch?v=C-ekAw4LmXM&feature=youtu.be
