Ambasada e Shteteve të Bashkuara ka shpërndarë një komunikatë të shkurtër, ku rithekson qëndrimin e saj mbështetës për opinionin e dhënë nga OPDAT dhe EURALIUS në lidhje me debatin për zgjedhjen e kryeprokurorit të ri.
“Kushtetuta dhe ligji për Prokurorinë janë të qarta. Ambasada e Shteteve të Bashkuara mbështet opinionin ligjor që OPDAT dhe EURALIUS i kanë dhënë Parlamentit. Ne nxisim Parlamentin të zbatojë ligjin”, thuhet në deklaratë.
Misionet ndërkombëtare që kanë asistuar në reformën në drejtësi, përkatësisht amerikane OPDAT dhe EURALIUS i Bashkimit Europian kanë këshilluar zgjedhjen e një Prokurori të ri të Përkohshëm deri në ngritjen e plotë të institucioneve të reja të drejtësisë. Kjo i ngjason një vije më të afërt me atë që kërkon qeveria Rama sot.
Të dy misionet nuk e përjashtojnë opsionin e zgjedhjes me shumicë të thjeshtë të një prokurori të përkohshëm.
(E.K/FAXWEB)
Discussion about this post