Kryeprokurorja Marku do të vijojë detyrën, rrëzohet kërkesa e opozitës në Këshillin e Legjislacionit

Paraditen e sotme në Komisionin e Legjislacionit, PD e LSI kërkuan ndryshimin e Kushtetutës për zgjedhjen kryeprokurorit.

Opozita propozoi shkarkimin e kryeprokurores së Përgjithshme të Përkohshme, Arta Marku dhe zgjedhjen e prokurorit të ri të Përgjithshëm pas formimit të Këshillit të Lartë të Prokurorisë, me 3/5, një procedurë kjo, konform Kushtetutës, sipas deputetit demokrat, Oerd Bylykbashi.

Megjithatë, pavarësisht argumentit të opozitës, propozimi i PD dhe LSI është rrëzuar me 6 vota pro dhe 8 vota kundër. Raporti i mbledhjes së Këshillit të Legjislacionit do t’i kalojë Kuvendit për t’u miratuar në seancën e rradhës.

Prokurorja e Përgjithshme e Përkohshme, Arta Marku, do të vijojë të jetë në detyrë, në krye të organit të akuzës.

(E.L/Faxweb)