“Kryeredaktori që duam”, Shkëlzen Berisha “thumbon” Ramën

Pas shkarkimit të Armand Shkullakut nga posti i drejtorit të informacionit në ABC News dhe pas akuzave të opozitës dhe jo vetëm se kjo lidhet me kapjen që mazhoranca i ka bërë mediave në vend, ka ardhur edhe një reagim “ngacmues” nga djali i ish-kryeministrit Sali Berisha, Shkëlzen Berisha.

Ky i fundit ka postuar një foto në Facebook ku shfaqet Rama me një papagall në dorë, ndërsa mbi të shkruan “Kryeredaktori që duam”.

I ftuar dje në Opinion, Shkullaku u shpreh se, “mbyllja e mediave dhe opinioneve të lira në vend, ka çuar në bllokimin e çdo valvule shkarkimi në shoqëri”.

Sipas asaj që përcolli “Shuplaka” dy ditë më parë, shkarkimi i Shkullakut vjen si pasojë e ndryshimit të linjës editoriale në ABC News. (A.R/SHUPLAKA)