Kryeredaktorja e “Opinion” i hedh ‘benzinë’ zjarrit për largimin e Fevziut: S’ka rëndësi logoja, për pak…

Lajmi se drejtuesi i “Opinion”, Blendi Fevziu do të kalojë në Top Channel, ka ngjallur reagime të shumta në rrjetet sociale.

Dhe si për të shtuar “kureshtjen” e të gjithë shqiptarëve, është kryeredaktorja e “Opinion”, Desada Metaj, që i ka kushtuar një status sqarimi kësaj çështjeje.

Në statusin e saj, Metaj shkruan se nuk ka rëndësi logoja e ekranit ku transmetohet “Opinion”, por produkti final që marrin teleshikuesit, duke e lënë kështu të hapur mundësinë e largimit të Fevziut nga Klan.

“Mes shume halleve që ka ky vend, na del problem dhe ekrani ku do transmetohet emisioni “Opinion”.
Personalisht, si pjesë “10-vjeçare” e stafit, jam e bindur që nuk ka patur kurrë rëndësi logo e tv që transmeton emisionin, krahasuar kjo me produktin që shikuesit kanë ndjekur dhe do vazhdojnë të shohin në vazhdim.
Të gjithë kuriozët duhet të presin dhe pak për vendimin.

Ndërkohë që për shikuesit e rregullt te emisionit, jam e bindur se logo ku transmetohet emisioni i tyre i dashur nuk ka kurrfarë rëndësie.”-shkruan Metaj në Facebook.

(F.G/Faxweb.al)