Dhurata që një kryetar bashkie në Madrit të Spanjës i ka bërë pensionistëve, i ka lënë të gjithë pa fjalë.
Në darkën e Krishtlindjeve që kryetari Jose Manuel Jimenez kishte organizuar për pensionistët, morën pjesë edhe disa striptiste.
Shumë prej të moshuarve shtangën nga habia kur darkës së tyre iu bashkuan kërcimtaret nudo.
Në një video të publikuar nga Daily Mail, dallon qartë që disa prej tyre madje u larguan nga sikleti që përjetuan.
Kreu i bashkisë u shpreh për mediat spanjolle, se striptistet u ftuan me qëllim që të bënin diçka ndryshe nga vitet e tjera.
“Menduam të bëjmë diçka ndryshe, pasi gjithnjë kemi sjellë këngëtarë,” tha ai. Jimenez shtoi se balerinat nuk kërcyen nudo por me një veshje që i bënte ato të dukeshin si të zhveshura. Edhe pse disa prej të moshuarve u larguan, të tjerët u kënaqën me atë që ndodhi, madje bënin fotografi me kërcimtaret.”, ishin fjalët e kryebashkiakut. (D.D/Shuplaka)
Discussion about this post