Lumturi Ratkoceri, kryetarja e komanduar e Aleancës Kuqezi ka qenë e ftuar sot në ‘’Mirëmëngjes me Xhaxhiun” për të treguar se çpo ndodh me AK-në.
Ratkoceri u shpreh se në bazë ka rinisur organizimi, dhe se njerëzit në vendin tonë janë gjithnjë e më shumë të pashpresë.
Kryetarja e AK-së u shpreh se kjo parti nuk u fut në asnjë koalicion pragmatik, ndërsa tha se me ndërgjegjen më të plotë kjo parti ka qëndruar jashtë çdo koalicioni, sidomos pas marrëveshjes LSI-PS.
‘’Aleaca Kuqezi nuk është ç’bërë, e dyta jo vetëm që nuk u ç’bë po të tjerët përpiqen që të minimizojnë rolin e AK-së, duke bërë sikur ajo nuk ekziston. Nuk janë transmetuar absolutisht në media, i gjithë kountributi i saj është injoruar. AK është e para që ngriti zërin duke kërkuar të drejtën shekullore të bashkimit të kombit.
Flasim për momentin e 2013-tës dhe të 2017-tës, si ka mundësi që Aleanca me prurje të jashtëzakonshme, ku një pjesë e të rinjve lanë studimet dhe u bashkuan me Aleancën. Si ka mundësi që Aleanca të kishte vetëm 15 mijë vota, votat tona u vodhën.
Në 2017 Aleanca Kuqezi u tradhëtua sërish. Deri ditën e fundit të çadrës, ne ishim partia e dytë opozitare që kishim numrin më të lartë të votueseve. Duke parë çfarë po ndodhte me plotfuqishmërinë e Edi Ramës, ideja ishte që ne të futeshim në një alenacë të përbashkët opozitare.
Njerëzit duhet të bëjnë pyetjen si PD-ja mundi që të linte votat e Aleancës Kuqezi në një kohë që vetë ishte shumë e dobët.
Ne jemi duke punuar në riorganizimin e aleancës, po punojmë për ngritjen e strukturave dhe në momentin e duhur edhe do të dalim në tubime.
E rëndësishme është që janë vetë njerëzit ata që po afrohen te ne, në ndryshim nga muajt e parë ku kishte njëlloj stepje. Roli i Aleancës Kuqezi është jetik në këtë vend duke parë sesi po bëhet opozita.”, u shpreh Ratkoceri.
E pyetur për Kreshnik Spahiun, Ratkoceri u shpreh se ajo e sheh atë si një partiot, dhe jo një pragmatist.
”Ishte funksionari i lartë i shtetit që u ngrit kundër vendimeve të caktuara të vetë shtetit. Kreshnik Spahiu po qe për ta braktisur partinë do ta bënte në 2013, ikja e tij tregon reflektim nga gabimet. Ai nuk braktisi AK-në po dha dorëheqjen duke dhënë një shembull për të gjithë politikanët”, u shpreh Ratkoceri.
(E.K/FAXWEB.AL)
