Kryetarja e Gjykatës Kushtetuese, Hola Zaçaj ka bërë bilancin për vitin 2023. Gjatë konferencës për shtyp, Zaçaj theksoi se parimet që e kanë udhëhequr gjykatën mbeten transparenca, paanëshmëria dhe efiçenca, ndërkohë që njoftoi se Kushtetuesja nuk ka stok dosjesh të prapambetura.
“Trupa gjyqsore e plotësuar ka trajtuar çështje të rëndësishme. Parimet që e kanë udhëhequr gjykatën janë paanshmëria, transparenca dhe eficenca. Duke u kujdesuar dhe angazhuar për të respektuar afatet procedurale dhe dhënies së argumentimeve të vendimeve, gjykata ka synuar cilësinë e vendimmarrjes. Shqyrtimi rezulton me kohëzgjatje afro 8 muaj, 452 kërkesa, 367 kërkesa të regj në 2023 dhe 85 kërkesa të mbartura në 2022. Në vitin 2024 janë mbartur 93 çështje nga viti 2023. Gjykatat Kushtetuese nuk ka stok çështjesh të prapambetura si asnjë gjykatë tjetër”
Ndër të tjera, Zaçaj u ndal edhe tek buxheti për Gjykatën Kushtetuese duke thënë se nuk është i mjaftueshëm.
“Gjykata ka bërë përpjekje të vazhdueshme për përmbushjen e objektivave me qëllim dhënien e një drejtësie funksionale. Në kushtet e një buxheti të panevojshëm gjykata mori nisma konkrete për përmirësimin, miratimin e rregullores për funksionimin e administratës, rregulloren për komunikimin e gjykatës me median dhe ridimensionimi i marrëdhënieve me të dhe publikun,”- shprehet ajo.
