Kryetarja e Kuvendit të Shqipërisë, znj. Elisa Spiropali, në kuadër të vizitës së saj zyrtare në Bullgari, u prit sot në Sofje nga Kryetarja e Kuvendit të Bullgarisë, znj. Natalyia Kiselova.
Në kuadër të kësaj vizite, znj. Spiropali vendosi një kurorë me lule në Memorialin pranë Monumentit të Ushtarit të Panjohur, në nderim të të rënëve për lirinë dhe pavarësinë e Bullgarisë.
Ceremonia simbolike u zhvillua me pjesëmarrjen e autoriteteve bullgare dhe përfaqësuesve të delegacionit shqiptar, duke përcjellë mesazhe respekti dhe miqësie mes dy popujve dhe parlamenteve.
Vizita e Kryetares së Kuvendit në Bullgari zhvillohet në kuadër të forcimit të bashkëpunimit parlamentar dhe marrëdhënieve bilaterale mes Shqipërisë dhe Bullgarisë.
