Detaje të reja janë zbuluar lidhur me të arrestuarit për mashtrim me skemën e TVSH-së. Burime për ‘Fax News’ zbulojnë se të arrestuarit nuk janë biznesmenë por dyshohet se pas tyre fshihen biznesmenë.
Zbulohet se dy prej tyre punonin në lavazh, njëri prej tyre në duralumin, ndërsa një tjetër shiste banana në një tezge në rrugën e Kavajës.
Dyshohet se njëri prej të shpallurve në kërkim është ideatori i skemës pasi ai i ka kontaktuar se do u gjente punë dhe u ka marrë dokumetet dhe ta ka bërë dhe manipulimet.
Ditën e djeshme është u zhvillua një operacion i rëndësishëm dhe në prangat e policisë kanë rënë 6 persona, për të cilët u raportua se ishin biznesmenë. Po kështu janë shpallur në kërkim edhe 5 të tjerë. Me akuzën se i kanë shkaktuar shtetit një dëm prej 9 milionë dollarë.
Sipas “Fax News” në prangat e policisë mbrëmë kanë rënë: Shkëlqim Hasani, Nevruz Lami, Bujar Murtaj, Ruxhdi Murataj, Dhimitraq Çelo dhe Indrit Sulaj. Në kërkim janë shpallur personat me iniciale: B.GJ, M.M, A.B, S.K, E.SH.
(B.H/Faxweb)
Discussion about this post