Ditën e sotme po zhvillohet ceremonia në nderim të Mid’hat Frashërit, eshtrat e të cilit janë kthyer në Shqipëri nga SHBA-të. Nderime për të në Akademinë e Shkencave kanë bërë dhe kreu i PD-së Lulzim Basha dhe ish-kryeministri Sali Berisha.
Berisha tha se ata që urdhëruar eliminimin e tij fizik, kanë përfunduar në koshin e plehrave të historisë shqiptare, dhe fjala ishte për Enver Hoxhën.
“Njeri i mendimit politik, shkencor, kulturorë, Mid’hat Frashëri, ky burrë i madh i dha Shqipërisë gjithçka kishte më të shtrenjtë. Kryesojë kongresin e alfabetit, vuri firmën në aktin e shpalljes së pavarësisë. Një studiues, pasionant i madh i gjuhës dhe kollos i veprave, themelues i nacionalizmit shqiptar, drejtues i Ballit Kombëtarë.
Edhe pse historia nuk ka qenë e drejtë për të, përsëri ai sot vjen dhe pushon në gjirin e atdheut të tij. Ata që kanë urdhëruar eliminimin e tij fizik, kanë përfunduar në koshin e plehrave të historisë shqiptare, është fjala direkt për Enver Hoxhën”, u shpreh Berisha.
Sakaq, Basha ka bërë thirrje që të gjithë patriotët që prehen jashtë vendit, të kthehen në atdhe.
“Kënaqësi që u përmbush amaneti i tij, që eshtrat e kësaj figure të madhe dhe patrioti të rrallë që ka bërë kaq shumë për atdheun, tashmë do të prehen në vendin e tij.
Dua të falenderoj të gjithë ata që e mundësuan këtë sot. Padrejtësia e diktaturës së Hoxhës, që ka lënë të gjithë patriotët të prehen jashtë vendit, duhet që të gjithë ata të kthehen në atdhe”, u shpreh Basha.
(E.K/FAXWEB.AL)
Discussion about this post