Kthimi i ligjit në Kuvend, Pesha: Presidenti doli në mbrojtje të Kushtetutës, Veliaj tani duhet të heshti

Aktivisti Besjan Pesha i ftuar në Fax News komentoi vendimin e presidentit Ilir Meta për të kthyer në Kuvend ligjin për shembjen e Teatrit Kombëtar.

“Presidenti doli në mbrojtje të Kushtetutës. Argumentat e presidentit ishin shumë të qarta. Ky ligj duhet të mbetet në sirtarët e turpit. Nëse qeveria, do ta rishohë këtë ligj dhe t’a fusë sërish në Kuvend, ky do të jetë një atentat ndaj Kushtetutës.”

Për sa i përket reagimeve të qeverisë dhe bashkisë të cilat u shprehën kundër vendimit të presidentit Meta, Pesha u shpreh se ne kemi fituar një betejë, por jo luftnë.

“Ne kemi theksuar se kemi fituar një beteje, por jo luftën. Lufta do të fitohet kur ky ligj të tërhiqet përfundimisht dhe të hartohet një plan për restaurimin e Teatrit Kombëtar. Të gjitha mundësitë janë të hapura. Për sa i përket zhgënjimeve, presidenti është një arbitër dhe që në fakt është zgjedhur nga Partia Socialiste. Kur ai merr vendime t’i duhet të heshtësh, pasi është një arbitër që e ke zgjedhur vetë. Zoti Veliaj po priste nga presidenti një vendim me objektivitet. Çështja e Teatrit u zgjidh, presidenti mori një vendim me objektivitet, Veliaj tani duhet të heshti dhe të pranojë vendimin e presidentit. Pres nga qeveria dhe bashkia reagime objektive dhe jo emotive.I ftoj përfaqësuesit e qevrisë dhe të bashkisë që debatin t’a bëjmë në terma juridikë.”

(M.Q/Faxweb)