Ambasadorja e Hollandës pranoi faktin se ka një raport të Policisë vendase për mundësinë e kthimit të regjimit të vizave për Shqipërinë e megjithatë ende nuk ka një reagim serioz nga Tirana zyrtare.
I vetmi që ka reaguar ka qenë ministri i jashtëm Ditmir Bushati, duke bërë përgjegjëse opozitën edhe për një raport të Policisë së një vendi të BE-së.
Në lidhje me situatën ka reaguar dhe deputetja demokrate Albana Vokshi e cila shprehet se Holanda dhe miqtë e shqiptarëve po flasin për këtë krim shtetëror, viktima të të cilit janë vetëm qytetarët shqiptarë, ndërsa ministri bën ‘’ngatërresa” të qëllimshme.
“Ministri i Jashtëm, nën zhurmën bezdisëse të insekteve shumëkëmbëshe, qëllimshëm “ngatërroi” kabllogramet e Holandës për rikthimin e vizave, me regjimin e Qeverise “Rama” në toka të gjelbëruara me kanabis dhe në dete të zbardhura nga skafet që transportojnë lëndën që bleu pushtetin absolut në Tiranë.
Holanda dhe miqtë e shqiptarëve po flasin për këtë krim shtetëror…viktima të të cilit janë vetëm qytetarët shqiptarë, të cilët rrezikojnë izolim nga pjesa tjetër e Evropës…”, shkruan Vokshi.
Nuk dihet ende nëse Tirana do të ketë një reagim apo do të presë që të ketë një qëndrim të fundit nga Ministria e Sigurisë dhe Drejtësisë holandeze. Ndoshta atëherë do të jetë shumë vonë!
(E.K/SHUPLAKA)
Discussion about this post