Rastet e dhënies së rryshfetit vazhdojnë të jenë prezente në vendin tonë. Pavarësisht se të gjithë e dinë se policia rrugore është e survejuar nga kamerat që çdo polic ka në trup, shoferët në vendin tonë nuk kanë të ndalur. Njëherë 500 lekë dhe herë të tjera edhe më shumë, sa t’iu gjenden vetëm e vetëm që t’i shpëtojnë gjobave.
Dy rastet e fundit janë shënuar në qytetin e Elbsanit dhe Pogradecit.
DETAJET E POLICISË:
Policia Rugore gjatë 12 orëve të fundit godet edhe 2 raste të tjera të “Mitëdhënies”.
1 rast nga Policia Rrugore Elbasan dhe 1 rast nga Policia Rrugore Pogradec.
Arrestohen në flagrancë 2 shtetas.
Elbasan:
I ofron ryshfet punonjësit të Policisë Rrugore me qëllim që t’i shmangej masës administrative.
Arrestohet në flagrancë drejtuesi i mjetit A.O .
Arrestimi i tij u bë pasi në aksin rrugor Karinë – Paulesh, është ndaluar nga Patrulla e Policisë Rrugore, për arsye se ka qenë duke drejtuar mjetin tip “Benz” me targa KO 9266 B në shkelje të Kodit Rrugor.
Në momentin e ndalimit ky shtetas ka tentuar t’i jap 500 lekë punonjësit të Policisë Rrugore me qëllim që t’i shmangej masës administrative për mosvendosje të rripit të sigurimit.
Pogradec:
Arrestohet në flagrancë shtetasi A.M i cili drejtonte mjetin në gjendje të dehur dhe i ofroi ryshfet punonjësit të Policisë Rrugore.
Arrestimi i tij u bë pasi, në lagjen nr 2 në Pogradec, ky shtetas u kap duke drejtuar në gjendje të dehur automjetin tip “Mercedes-Benz”me targë AA408LV.
Gjatë kryerjes të procedurave ligjore, në ambientet e Komisariatit Pogradec, ky i fundit ka tentuar të korruptojë punonjësit e Policisë Rrugore duke iu ofruar një kartëmonedhë 2000 lekë, me qëllim shmangien e arrestimit të tij. (E.K/SHUPLAKA)
Discussion about this post