“Ku do të shkojë ky vend pas 1 Korrikut, a do të bëhemi dhe ne si gjithë europa?”, kështu e nisi deklaratën e tij ish-presidenti Alfred Moisiu, që së bashku me një grup intelektualësh, i kanë bërë thirrje të gjitha forcave politike që të kthehen në një dialog institucional.
Sipas Moisiut është e domosdoshme që të ketë edhe ndryshime kushtetuese, në mënyrë që të mos paguhen më fatura nga ana e qytetarëve shqiptarë.
‘”Ministrat e jashtëm të këshillit të BE vendosën për të shtyrë në muajin tetor për hapjen e negociatave me Shqipërinë. Hapja e negociatave eshte prioritet për Shqipërinë dhe po përdorer si instrument mes shumicës dhe pakicës.
Për fat të keq kriza politike po përkeqësohet, është koha për një zgjidhje afatgjatë. Faturën gjithmonë e ka paguar vendi dhe populli. Kanë vendosur interesat partiake dhe personale mbi vendin.
Vlerësojmë se kjo situatë duhet të marrë fund përmes një pakti kombëtar mbi integrimin.
Ndryshimet kushtetuese të vitit 2008 sollën pasoja, në funksion të rritjes së besimit të procesit zgjedhor, partitë te rikthehen në dialog sa më parë”, u shpreh Moisiu, i cili hodhi idenë e një pakti të madh kombëtar.
