Donald Trump ka shkruar në ‘Tëitter për të sugjeruar vendin e takimit që pritet të ndodhë mes tij dhe liderit të Koresë së Veriut Kim Jong Un.
Presidenti amerikan po përgatitet për bisedime historike me homologun e tij të Koresë së Veriut. “Vende të shumta” ende ishin duke u konsideruar, tha ai.
“Vende të shumta janë duke u shqyrtuar për TAKIM, por a do të jetë Shtëpia e Paqes / në kufirin e Koresë Veriore dhe Jugore, një vend më përfaqësues, i rëndësishëm dhe i qëndrueshëm sesa një vend i palës së tretë? Thjesht po pyes!”shkruan Trump në Tëitter.
Muaj më parë një takim i tillë po të përflitej do të konsiderohej si i pabesueshëm, për faktin se liderët e dy vendeve vazhdimisht kërcënonin njëra-tjetrën me sulme të ashpra me raketa ndërkontinentale.
Megjithatë, gjërat kanë ndryshuar që kur u takuan liderët e Koresë së Veriut me atë të Jugut, si dhe zyrtarizimi i fotografive nga takimi i Mike Pence me liderin Kim Jong-un.
Duke folur në një tubim në Uashington, Michigan në fundjavë, presidenti tha se priste që samiti të zhvillohej “gjatë tre ose katër javëve të ardhshme”. (B.H/Faxweb)
