Jemi mësuar me batutat e shkëmbyera mes Xhemi Shehut dhe Arbana Osmanit. Fundja, të gjithë e dimë si është të kesh një shoqje të ngushtë.
E mbrëmshmja mblodhi disa nga emrat më të njohur të showbizit në premierën e filmit të ri të Eduart Grishaj, dhe natyrisht Xhemi ishte një prej personazheve të pranishëm. Madje, ajo shprehu suportin e saj ndaj rrugëtimit të regjisorit.
Gjatë fjalimit të tij para shfaqjes së filmit, Eduarti falenderoi publikisht Arbanën, duke thënë se ajo e ka frymëzuar për filmin, çka i bëri edhe njerëzit të mendojnë se me këtë gjest, u konfirmua edhe marrëdhënia e tyre e dashurisë.
Por, duke qenë se ku është Arbana, Shehu nuk mund të mungojë – dhe e anasjellta – këtë herë vëmendje tërhoqi një tjetër ngacmim mes mikeshash.
Në një nga fotot e Arbanës në premierë, moderatorja e ‘Portokalli’ komenton: “Unazën s’po ta shof”. Duke marrë parasysh ngacmimet e përhershme të vajzave mes njëra-tjetrës, me siguri kjo është një tjetër batutë, marr shtysë edhe nga referimet e portaleve ndaj ‘unazës’ sa herë flitet për lidhje ose ndarje.
