Si zakonisht në çdo fundvit ditën e djeshme klubi i Lacios organizoi një mbrëmje festive. Po ajo që të binte në sy në këtë festë ishte mungesa e Igli Tares. Nuk ka asgjë për tu shqetësuar, pasi Tare kishte marrë disa ditë pushime për veten duke i kaluar në Dubai.
E megjithatë shqiptarët nuk kanë mbetur të papërfaqësuar pasi portieri Strakosha ka bërë një përmbledhje të vitit që lamë pas.
“Nuk ishte një vit perfekt, por sigurisht pozitiv, si për mua në aspektin personal, edhe për skuadrën. Kemi treguar se jemi një grup me ambicie. Stërvitem çdo ditë me shumë impenjim, sepse kemi synime të mëdha. Kjo Lazio mund të arrijë kudo.
Objektivi ynë është renditja mes katër më të mirave të kampionatit. Duam të falënderojmë edhe tifozët tanë për mbështetjen që na kanë dhënë. Kundër Crotone-s shpresojmë t’i shohim edhe më të shumë të numër. Do të jetë një ndeshje e vështirë, por duhet të fitojmë, pasi kemi lënë shumë pikë rrugës”, tha Strakosha.
(E.K/FAXWEB)
Discussion about this post