Për disa muaj me rradhë Ben Blushi, kreu i LIBRA-s, dhe ish-miku i dikurshëm i kryeministrit Rama mbajti pozicionin e opozitarit të vetëm në Parlament. Ndikuar kjo dhe nga bojktoi i gjatë që PD-ja i bëri Parlamentit.
Mirëpo në zgjedhjet e 25-Qershorit, Blushi jo vetëm që nuk mori rezultatin që kishte premtuar, por nuk arriti që të merrte asnjë mandat, qoftë edhe në Tiranë.
Pas publikimit të rezultateve Blushi premtoi se kanarina nuk do ta ndalte fluturimin, po ka disa kohë që ai nuk është fare aktiv në media, dhe as në studio televizive. Madje postimi i fundit i tij në rrjetet sociale daton shumë larg në 20 korrik.
Çka ndodhur me Blushin në këto dy muaj? Mos vallë është ndalur të shkruajë ndonjë libër, pasi kjo është dhe një nga pjesët më të rëndësishme të krijimtarisë së tij.
Ndoshta ka vendosur të heqë pak dorë nga politika aktive pasi në Kuvend ka tashmë jo një po dy opozita. Duhet thënë se emrin e tij e përmendin të tjerë analistë kur e citojnë të jetë pjesë e një fronti opozitar kundër qeverisjes së Ramës. Mbase Blushi do të kthehet, Parlamentit i mungon oratoria e tij!
(E.K/SHUPLAKA)
Discussion about this post