“Pa dijeninë e askujt gjatë vitit 2016-të ka ndodhur një trafik i frikshëm i plehrave ku është përfshirë vendi ynë (Italia) Shqipëria dhe Maqedonia, për një total prej 28.600 tonelatash mbetjesh që duket se janë të rrezikshme dhe që tani askush nuk e di se ku kanë përfunduar”. Kështu shprehet deputeti i talian Richard Nuti, i Lëvizjes 5 Yjet të Bepe Grillos, për çështjen e 1300 kontenierëve.
Kjo është tashmë një çështje alarmante sipas Nuti-t, i cili kërkon nisjen e një hetimi parlamentar për 1300 konteinerët me mbetje që rezultojnë të zhdukura në Shqipëri. Për këtë çështje ai kërkon shpjegime nga qeveria dhe në radhë të parë nga kryeministri italian.
“1300 kontenierët plot me mbetje janë nisur nga Gioia Tauro dhe duhej të mbërrinin në Shkup, por autoritetet maqedonase kanë mohuar që ato të kenë kaluar kufirin me Shqipërinë. Ndaj ekziston rreziku konkret që të jenë groposur para mbërritjes në landfill, siç dyshon edhe Prokuroria Anti-Mafia, e cila bashkë me kolegët shqiptarë, po drejton hetimet”, shprehet deputeti Nuti.
Po kështu parlamentari italian u ka dërguar letra zyrtare edhe ambasadave shqiptare e maqedonase në Itali për këtë çështje. “I kemi shkruar edhe prefekturës së Frosinones, meqenëse impianti i Shkupit menaxhohet nga një firmë italiane, ndonëse një raport investigativ ballkanik thotë se kjo firmë nuk ka përvojë në këtë sektor”, u shpreh ai.
Më tej ai u shpreh: Është e nevojshme që qeveria, edhe në raportet institucionale dhe me ambasadat, të hedhë dritë mbi këtë rast të errët, që jo rastësisht ka sjellë edhe dorëheqjen e ministrit të brendshëm shqiptar, përgjegjës për kontrollet e nevojshme”. (J.V/Shuplaka)
[ngg_images source=”galleries” container_ids=”1362″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
