Performanca e arrirë dhe kualifikimi i këngëtarit shqiptarë Eugent Bushpepa në Eurovision, ishte padyshim një lajm i bukur për të gjithë.
Por marrë shkas edhe nga debati i pak ditëve më parë, kur Eleni Foureira u “kryqëzua” pas fotos që bëri me Eugentin, ku kishin formuar me duar shqiponjën, duket se reagimi i grekëve për kalimin e Shqipërisë dhe ngeljen jashtë të Greqisë, nuk ishte aspak miqësorë.
Mediat greke e kanë trajtuar me kujdes këtë pjesë, por komentet në rrjetet sociale ishin nga më të ndryshmet, duke shprehur mllef e pakënaqësi.
Disa prej tyre duken vërtetë të habitur, më shumë me faktin se përse kaloi Shqipëria dhe jo Greqia, sesa vetëm me moskualifikimin në finale të këngëtares së tyre, Yianna Terzi.
Më poshtë janë vetëm disa nga komentet e bërë në rrjetet sociale:
“Te kualifikohet Shqiperia dhe jo ne greket, çfare tjeter do te degjojme akoma, kishin edhe kengetare me mikrofone ne Shqiperi perveç hajduteve, te pagedhendurve dhe te pashkolleve?!”
“Kengetari i Shqiperise, na ka shtruar vjet pllakat e shtepise.”
“Shqiperia? Po beni humor apo jo”
“Te kaloje Shqiperia dhe jo ne?”
“Te kaloje Shqiperia dhe Irlanda me gay dore per dore dhe mos kaloje Greqia??? E tmerrshme domethene, Vafshi ne djall!!!”
“Kaloi Shqiperia Maqedonia dhe Bullgaria dhe na lane ne jashte keta jane komshinjte tane, t’i gezojme.”
“U kualifikua Shqiperia ore shok, dhe mbetem ne jashte… epoka e PASOK mbaroi.”
Discussion about this post