Kuçovë/ Makina përplas motoçikletën, vdes 66-vjeçari

Si pasojë e përplasjes nga një makinë në Kuçovë, një 66-vjeçar i cili po udhëtonte me motoçikletë ka humbur jetën paraditen e sotme.

Teksa po lëvizte me motoçikletë në lagjen “11 Janari” të qytetit, ai është përplasur me një makinë tip “Ford Focus”.

Si pasojë e goditjes, 66-vjeçari me inicialet H.A nuk ka mundur t’i mbijetojë plagëve të marra, duke ndërruar jetë në spital.

 Policia ka ndaluar drejtuesin e makinës, 29-vjeçarin Blendi Hoxha, dhe dëshmia e tij pritet të japë më shumë detaje rreth ngjarjes. (B.H/Shuplaka)